«Тағылым» бірлестігі
«Тағылым» бірлестігінің мақсаты – білім алушылардың шығармашылық қабілеті мен дербестіктерін жан-жақты дамыту, бос уақыттарын дұрыс ұйымдастыру, университет деңгейінде танымдық, тәрбиелік шаралар ұйымдастыру. Білім алушыларды әдеби, мәдени, тілдік бағыттағы түрлі жарыс-сайыстарға дайындауда бірлестіктің рөлі зор. Бірлестік жұмысы теориялық та, тәжірибелік те бағытта жүргізіледі. Бірлестік жетекшісі – «Қазақ филологиясы» кафедрасының профессоры Қамарова Нағбду Сұлтансихқызы.
«Абай әлеміне саяхат» клубы
2018 жылдың 21 қарашасынан бастап Yessenov University-де «Абай әлеміне саяхат» клубы жұмыс істейді. Клубтың мақсаты – Абайдың төл туындылары арқылы жастарға рухани серпін сыйлау. Клуб жетекшісі – «Қазақ филологиясы» кафедрасының профессоры Н.С. Камарова. Клуб мүшелері – университет оқытушылары мен білім алушылары. Бүгінде екі жүзге жуық клуб мүшелері жоспарлы түрде іс-шаралар жүргізді, алдағы уақытта да ауқымы іс-шаралар жалғасын таппақ.
«Атамекен» үйірмесі
Тарих мамандығында оқитын студенттердің «Атамекен»үйірмесінің мақсаты ғылыммен және шығармашылықпен айналысатын тұлғаны дамыту және қалыптастыру, әртүрлі семинар мен конференциялар өткізу арқылы талапкер жастардың бойына танымдық қөзқарасты қалыптастыру, ғылымның қызықты өмірі мен оның ғажайып сырларын ашатын ғалымдар жайлы тереңірек білуге қызығушылығын ояту.
«Атамекен» үйірмесінің жетекшісі: доцент Бекешов С.С.
«Жан сыры» психологиялық клубы
«Жан сыры» психологиялық клубтың мақсаты — студенттерге оқу мен кәсіби қызметтегі және жеке мәселелері бойынша кеңес беру. Сондай-ақ психологиялық ағарту жұмыстарын, семинар-тренингтерді жүргізе отырып, студенттердің психологиялық дайындықтарының сапасын жоғарылату, оқу үрдісін тәжірибемен ұштастыру .
Клуб жұмыстарын педагогика ғылымдарының магистрі Ерубаева Айтжамал Рамазанқызы жүргізеді.
Онда жоғары курс студенттері жетекшілерімен бірлесе отырып студенттерге әр түрлі тақырыптарда дәрістер мен семинарлар, психологиялық тренингтер, терапиялар өткізеді.
«Ағылшын филологиясы» кафедрасының “Lingua” ғылыми үйірмесі
Бүгінгі таңда болып жатқан қоғамдық қарым-қатынастардағы, коммуникация құралдарындағы өзгерістер (жаңа ақпараттық технологияларды пайдалану) студенттердің коммуникативтік құзыреттілігін арттыруды, олардың филологиялық дайындығын жетілдіруді талап етеді.
“Lingua» клубының жұмысы ағылшын тілінің рөлін тұлғааралық және мәдениаралық қарым-қатынастың әмбебап құралы ретінде, ағылшын тіліне, онда сөйлейтін халықтардың мәдениетіне оң көзқарас ретінде түсінуге көмектеседі. Лингвистикалық білім алу, ағылшын тілінде сөйлейтін елдердің мәдениеті, шынайылығы мен дәстүрлері туралы білімді қалыптастыру жалғасуда. Білім алушылар жеке тәртіпте және ынтымақтастықта жобалық жұмыс сияқты танымдық іс-әрекет тәсілдерін меңгеру барысында шығармашылық және іздеу іс-әрекеті тәжірибесін алады.
