«Жаратылыстану ғылымдары» кафедрасы

XVI Республикалық пәндік олимпиада
2024 жылдың 17 – 18 қазан аралығында Абай атындағы Қазақ ұлттық педагогикалық университетінде  «В014 – География педагогтерін даярлау»  білім беру бағдарламасы  бойынша білім алушы студенттер арасында республикалық пәндік олимпиада өтті.
Олимпиадаға Гео БББ 3 курс білім алушылары  Түсіп Әкежан Амангелдіұлы мен Тұрсын Әміржан Сержанұлы қатысып жүлделі II -орынға ие болды. Білім алушыларға жетекшілік еткен Семирханова  Диана  Қадырханқызы  алғыс хатпен марапатталды.

23-24 қараша күндері Жұбанов университетінде Қ. Жұбановтың 125 жылдығына арналған республикалық пікірсайыс турнирі өтті. «Қ. Жұбанов – ғылым көгінің жарық жұлдызы» тақырыбымен ұйымдастырылған бұл іс-шараға Астана, Орал, Ақтау, Атырау қалаларынан қатысушылар бақ сынады.

Бұл сайысқа География БББ 3 курс студенті Аманшин Азамат қатысып, жүлделі ІІ орын алып, 250 000 теңге тұратын сертификатқа ие болды.

Жас тұлпар 2024. Үздік жас ғалым – Ибраева Маншук Мұратқызы
“Жас тұлпар” облыстық жастар премиясында “Үздік жас ғалым” номинациясын Ибраева Маншук Мұратқызы жеңіп алды.  Маншук Мұратқызының ғылымға қосқан еңбегі, қажырлы ізденісі мен шексіз талпынысы бұл марапатқа лайықты екенін дәлелдейді.

Химия-биология   БББ 4-курс студенті Қуанышбаева Айханым Асқарқызы Түркі елдерінің жастар саясатын дамытуға қосқан үлесі үшін «ЖАҢА ҚАЗАҚСТАН» Республикалық инновациялық орталығымен бірлесіп «BILIM — ORKENIETI» ұлттық инновациялық ғылыми-зерттеу орталығы ұйымдастырған «Түркі халықтарының үздік студенті» халықаралық байқауының жеңімпазы болды.

Жас тұлпар – 2024 Жастар премиясы

Биология БББ магистранты Жеткізген Аян Абидоллақызы Маңғыстау облысы әкімінің ұйымдастырған “Тәуелсіздік ұрпақтары” грантының иегері атанды.

Ол өзінің ғылыми жұмысының бағытына сәйкес  оқушыларымен үздіксіз айналысып жүрген жылыжай жұмыстарын одан әрі жандандырып,тропикалық бағыттағы өсімдіктер өсіруге бағытталған “AGRO-ROOM” зертхана жобасын ұсынды.